KUMPULAN LIRIK LAGU PAKPAK

Mula tikanna kita pejumpa Basami turang soh mo mendena Ranamu tenggi bage tenggoli Memahan asa aku tergoda Mula tikanna sibahan padan Oda ngo lot pernah kusangka Si tenggi i pagit ngo dung na Sengsara aku turang sengsara Turang, turang Mbernit nai pemahanmi Mendahiken aku Berru simpogos en Oda ngo pana Ienget ko no i Kumerna kono ngo Asa nggo ku gong simbernit en Kumerna kono ngo Nggo kutahanken si ncio en Keppe nggo kessa mo tandes Kelleng ki turang kuberre bamu Asa ko mengeluken aku Laus ko turang menadingken aku Ooooho mbernit nai Pemahan men turang Ooooho ncio nai Sitahanen daging en Turang, turang Turang, turang

Turang kekelengen Idike ko bagendari Teddoh ki merbilang bilang Mendahiken ko turang Turang beggeken mo Sorangki terdilo dilo Mahar ari berngin Oda ngo ko terlupaken Nggo mo tellu tahun ndekkahna Kita mada nenge pejumpa Oda ngo lot kabar marang tennah Mendahiken aku Nggo mo pana kono lupa Mi padan janji ta duana Tikki berngin sirakut rana Bulan idi ngo saksina Berngin si melongo Kutatap bulan i dates Ukurki si mayang ayang Kumerna mata mada tertunduh

Embasken mo da kaka Embasken ke Rebak mengembasken mo anggi Rebak mengembasken Endeken ke mo da kaka Endeken ke Rebak mengendeken mo anggi Rebak mengendeken Serserken ke mo da kaka Serserken ke Rebak menerser mo anggi Rebak menerser Tatakken  ke mo da kaka Tatakken ke Rebak tumatak mo anggi Rebak tumatak Embas nami en da nange Embas nami en Embas mergeraha ngo bapa Embas meegeraha Ende nami en da nange Ende nami en Ende mergeraha ngo bapa Ende mergeraha Si sada kata kita karina Si sada ukur kita karina Kade sibahan asa menjadi na Bage sodipta da Asa ndaoh hali habat Asa ndaoh si mada mak kasea Asa dapet perolihen Bage sodipta da

Delleng Simpon turang mo sindatesna turang Si delleng simsim turang Bekas menatap turang Sikuta tinggi turang Kuta si ndates turang Lae bintoha turang Bekkas meridi turang I aornakan turang Mbue page na turang Bekasku bessur turang Oda melehe turang Gadong tinutung turang Pebelgahken dagingku Dalan na ngkelleng atemu Menengen aku turang

Mike mo aku laus le impal Merembah ukur ceda i karina pemaingmi Murahna kono merjanji Bage murahmu merluap Kepeken diringki ibain ko Bage kalak mangan tebu Diringki ibain ko Nggo kessa kerri tenggina Cepahna iambongken ko Reff : Bage emas ndabuh mi kubang Diringki ibain ko Tung pe nggo kotor idah kono Oda moru harga na Keppeken kelleng ni atemi Pellin bagak rupangki Oda dekket atengki Dekket mende basangki Mike mo aku laus mengadu Sakat bamu mo karina Simpetta ki ale turang Nggo lolo kono sendah Menengen sindanggel ken

Ienget ko deng ngo le turang Janjinta i berngin i I mo ibenna kopi i Ikosikken ko mo janji mi I si mo idokken ko turang Kennah sijahe aku bamu Mbahen mu nimu aku turang Mengelua kita le impal Kupema pema le turang Oda roh ne beritami Marsak ngo aku ale turang Mema mema beritami I Jakarta ko nimu le impal I Jakarta dike ko i si Bagahken mo ale angin Idike ngo ko kelleng ni atengki Tellu kalender le turang Oda roh ne berita mi Ntua mo aku ale impal Kupema mo ko i tanoh Pakpak i Kupema mo ko i tanoh Pakpak i

Mersada mo karina Pakpak Kelasen Pakpak Boang Pakpak Keppas Pakpak Pegagan Bagi ma Pakpak Simsim nai O tanoh Pakpak O tanoh Pakpak kutangki Tanoh ketubuhenki Si mak terlupaken i Ndaoh pe diringki Merkellang lae simbages i Kum ukurki lalap ngo Teddoh mi lebbuh mpungki O tanoh Pakpak Ulang kono lalap terpeddem Tuduhken mo mi jelma mbellang Ulang kono dak ketadingen Mersada mo karina Pakpak Kelasen Pakpak Boang Pakpak Keppas Pakpak Pegagan Bagi ma Pakpak Simsim nai... Asa maju karina Asa maju karina...

Hahaha...  Hahahaha... Hmhmhm...  Hmhmhmhm... Harap ngo turang ibagasen ukurku enda Memegeken janji janji bage angin sorga Merbulan madu kita nimu mi Kanada Keppe iembah kono ngaku mi Tinada Sinderrang madeng surung ko mahan kela ni inang Idokken ko nimu kita laus mi Darussalam Nggo kessa saut ko mahan kela ni inang Iembah ko mo diringki mi Subulusalam Hahaha... Hahahaha... Hmhmhm... Hmhmhmhm... Laus mi jehe laus mi julu i Bage bistuak kebonen ari Harap berru deba megge janji janji mi Harap mo tendi merung dekket dagingki Bage membellus  angin perberang ko turang Megge ranamu harap daging lako sennang Pas bage aras i babo namo mo turang Ranamu mparas ukurmu keppe merangin Sinderrang mengririt ko mendahi diringkenda Idokken ko nimu kono pengusaha muda Nggo kessa saut aku mendahiken kono Keppe ulanmu gennep ari malbal pola Hahaha....  Hahahaha.... Hmhmhm... Hmhmhmhm...

Lupaken mo turang Janjinta tahun si bari Ulang nenge kono harap le turang Mendahi diringken Kono ngo siobah padan Si nggo siranai Mpostep i tengah dalan ngo keppe Sura sura diringken Bage renggur i tengkes ari ngo keppe Memegge tenahmi kan denganki Oda ne terjua ko sa kennah saut Dengan sepermeamenki Tukasi pe bagi Pemahanmi bagidi bangku Sada ngo kessa sodipku bamu le Njuah njuah mo ko impal Bage renggur i tengkes ari ngo keppe Memegge tenahmi kan denganki Oda ne terjua ko sa kennah saut Dengan sepermeamen ki

Sada sada mo eluhki Merurusen i dates kurumki Kessa mersirang aku engketko O ale turang Bage bintang ni dates i Pas bagi mo kellengki mendahi ko Melemlem ngo kuakap le turang songket mi nipingki Ulang lupaken aku le turang Ulang tadingken aku le impal Maseh ate mo ale turang Mendahiken aku Dak kutulusi le turang Si bage rupami ale turang Tapi mak dapet aku le turang Pelin kono sambing Ulang lupaken aku le turang Ulang tadingken aku le impal Maseh atemu mo ale turang Mendahiken aku Njuah njuah giamken le turang Ukurmu menadingken diringken Ncayur tua mo ko le turang Meranak merberru i Sada sada mo eluhki Merurusen i dates kurumki Kessa mersirang aku engket ko O ale turang Kessa mersirang aku engket ko O ale turang

Berngin....si mbages en... kubege sora terdilo dilo.. isengo ndia si menungguli mahan ateku ter kuso kuso... Dalanna aku nange... ku enget kne tading i kuta tedoh ngo pana ko mi dukak mu kumerna dekah oda pe jumpa.. Ref # Naa..nge...ee.. ulg tereluhko... ulg mo  marsak ko... tading ikuta.. daoh pe akunange...e..e. ukurki naing ngo rebak.. ulang...ulang teree..luhko mala go soh.. tenengeski...x2

RAJA PAKPAK Kene o raja, Raja kalak pakpak i. Enget kene mo kutanta  Imo tanoh pakpak i. Kene si nggeddang ukur  Tengen bakune kutanta i. Ajari kene mo karina,  Karina si tading i lebbuh i. Pekade kutami Pelias kutami Enget kene mo kutanta i. Ulang dak lalap i ketadingen kuta mi. Isi ngo ketubuhen mi. Ulang dak lalap ko i ranto mi Pelias mo i kutanta i. Asa teridah kita kalak pakpak i. Sada kata sada orjok karina.

LAE GARUT Cipt.  Hasan Manik Lae Garut...  Laena malum man peridinki Kedabuhenna mi Lae Ordi I kuta Singgabur i I terruh delleng si barteng i Nangpe ndaoh...  Aku...  I ladang ni deba Kum ukurki... Nteddoh mendahi ko Barang soh mike pe aku Kum ukurki lalap ngo taba ko Hoooohooooooo Lae Garut si nciho Bekkasku jumpa mbaren Dekket si turang kelleng ate Lae Garut...  Ko ngo mbaren jadi saksina Kami mengeket padan Dekket impal kelleng ate

BERRU AMPUN-AMPUN Mbue kubellus ladang nideba Lako mengayaki kenggeluhen i Mbue ngo terolih basa ni Tuhan i bangku Kumerna sodip si gennep ari mendahi Tuhan i Tulus ngo ukurki bana aku mengekut Nggeut sijahe mi Jambu Rea i Kunu oda bage sinipercinta mi nange Pos mo ukurmu nduma ngo aku rebak kelamen Nggo iapoi Tuhan i  Aku berru ampun-ampun men  Tubuh nggo kempumu Ingo penggerarenku Mataniari nggelluh ki I ngo pehedu-heduenku Ingo sipedah-peddahenku Kasea luas kempumen Sampit sikolana ndates pangkatna

PEMAING MI Sipata tulus tulus idike ko turang Sipata dak terkuso merkade ko impal Ukurki mak deng boi merubah Abemi dak roh mi anganki Makin kucuba kilupakenko Makin teddoh nola ukurki Nang pe nggo ndaoh kutadingken ko Makin teddoh makin teddoh ukurki Kade ngo ndia  salah si daging asa bagen Iose kono  karina padan ta sidua, O ooo Soh ngo mbernit ateku m piah pusuhki Tertulus tulus ukurki  kade salahku Namun giam mende siranaken Ulang tulus-tulus atengki pemaing mi

ULANG SARIHKEN Bilang-bilang mo karina pemahanmu Bilang-bilang mo karina langkahmi Pemaing mi turang Sakit ni pusuhki Mella mobah nola keppe ukurmi turang  Naing lupakenenmu padanta sidua Oda ngo salah i Lupaken mi ale impal Diringki ulang pella sarihken Atengki ulang pella pikirken Nggo mi karina si nggo salpun Kupungkahi pe kelleng rimbaru Diri'ngki ulang pella sarihken Ate'ngki ulang pella pikirken Nggo mi karina si nggo salpun Kupungkahi pe kelleng rimbaru Tah i dok ko turang mendele aku Tah idok ko impal ncio ateku Oda bangku i si bagidi Pos ngo ukurki lot ngo gancihmu

OH BERRU Ulang dak mendele ko berru Ulang dak marsak ukurmi ale Ate sabar ukur penter i ngo dalan Pecihurken kenggeluhen i Sodip mo kubain  Lako mendengani ko Asa ibabai langkah-langkah mi Gennep ari Jaga pekilakomu berrungku Dengani impal kekelengen mi Menganju ko menganju ko berru  Pesangap i ale... Meranak berru mo kono berru Njuah-njuah i dalan mi Mella pe teddoh berru ukur mi I bulan i mata pejumpa Lot ngo kaduan tikkina jumpa Pos mo ukurmu kum inang men Dak mengido bai permende basa i Asa igemgemi tendimi Oh berru

O ANAKKU Ulang dak lalap kono anakku Ulang dak mambal langkah-langkahmi Ulang dak jae-jae ukurmi Mengekut ekut kalak i Enget peddah ni bapa inangmi Enget turang dedah-dedahen mi I mo lako roh tegu teguen mi Pecihur kenggelluhen  i Kono ngo kaduan Pesangapken gerrar bapa inang i Kono ngo kaduan Kisesa krina kinindersa i oho Mende mende mo ko  Mersikola i oh anakku

KELSOH Cipt. Hans Miller Banurea Ngkabang mali-ali Ngkabang ko kuliki Embah kelsohki Embah arsak ki, tangis ki Nasib ni si daging Mpersah mak mersiding Pukpuk nggellap deng Kenggeluhen en, o nange Nggo ngeddang dalan sidalanen Nggo mbellang kuta nilausen Karinana mak lot deng merujung O basoh.... Sabar mo ko nang Sabar berrungku Peddah mi nange  Peddah mi bapa, gegohki Nggo ngeddang dalan sidalanen Nggo mbellang kuta nilausen Karinana mak lot deng merujung O basoh.... Nggo ngeddang dalan sidalanen Nggo mbellang kuta nilausen Karinana mak lot deng merujung O basoh....

I PERSUANEN I Cipt. Hoddy Padang I persuanen i I sabah ni deba Kita nderran na i Mersitandaan Nggati tercerrem ko turang Mengido same bangku nai Makin tangkas na mo kuidah  Mberru rupami I persuanen i  Kuteggu tanganmi Kerna nggo orsep  Sibar abakmu Kusura sura mo turang  Bages karina sabah i  Makin nggatina mo kucekep  Tanganmi Lot kin mo nemmu Merdua hektar sabah i Asa tuk ari Aku pegembar dekket ko Janah i si kin mo nemmu Kukuso ise si ni ukurmi Harap ngo aku alusmu bangku Pellin diringken