KUMPULAN LIRIK LAGU PAKPAK

I PERSUANEN I Cipt. Hoddy Padang I persuanen i I sabah ni deba Kita nderran na i Mersitandaan Nggati tercerrem ko turang Mengido same bangku nai Makin tangkas na mo kuidah  Mberru rupami I persuanen i  Kuteggu tanganmi Kerna nggo orsep  Sibar abakmu Kusura sura mo turang  Bages karina sabah i  Makin nggatina mo kucekep  Tanganmi Lot kin mo nemmu Merdua hektar sabah i Asa tuk ari Aku pegembar dekket ko Janah i si kin mo nemmu Kukuso ise si ni ukurmi Harap ngo aku alusmu bangku Pellin diringken

CINTA LAO Cipt. Hoddy Padang Melungun ukurku nange Megge sora imbo merginoling Kade naing masa ndia Kuso-kuso ibagesen ukurku Melungun ukurku nange Megge sora manuk naing menaruh Mebuk ngo pengakapku i si Happu ningan na roga I ngo keppe cinta laomu nange Nderrang aku madeng tubuh Pot ngo keppe mangan manuk menaruh i Keppe oda surung katika i Geggoh ngo sodipmu nange I babo cinta lao mi Nggo ngo kujalo basa ni Tuhan i Tubuh anak berru aku

DUA TAHUN Cipt. NN Dua tahun mo dekkah na Diri lalap mema-mema Lalap oda merpunca  Marang bakune dungna Nang pos ni ate mi di menadingken aku mali-ali Lalap diri merhendem Memikiri karinana janji Kubettoh bagendari  Kono i kuta deba Saut mo kono keppe  Lako merumah tangga Nang pos ni ate mi di menadingken aku mali-ali Lalap diri merhendem Memikiri karinana janji

CILMANG UKUR Cipt. Hoddy Padang Nggatina tembohen melaga ko bangku turang kerna cemburu Merminggu takengkeng merengut dak tong abemi Mende pe kukuso ranamu dak sepuk  Maing bokkolna kurum mi Cilmang ukurku Kukikil epenki  Ulang huap tertaba Ulang mo ko tikka kerna ni rupamu turang Mbue gancih mu Ulangken seminggu setahun mak teddoh ukurku Rana ni pertua ingo si kuenget  Ulang tadingken impal mi Rakut ni padanta Rakut ni kellengta  Ulang mo siosari Karina nituduhmi  Sada poda tuhu turang Nimu laus tamasya  Pesimpak pe kami makdeng Tarik ranami (cuap) Tarik sangkan mi (cuap) Ukurmu ngo roga turang

TOKOR TOBIS Cipt. Hoddy Padang Eluhmi simerurusen nange Ibain kelsoh dekket danggel tppeh Ras ari berngin ko tereluh Merung mo daging mi Ukurki naing merjalang nemmu Iendekken ko merdengan eluh Ikerpi iapus ko takalku Mertenah ko nange Tokor nitobis sini tellasken mo pa Embah kitellas kenggeluhen i Enget mo kami krina sini kuta en Sukutken  luas  mbelgah sapo nideba Mella balik ko pa merembah luah ko enget mo pa engetmo Mella balik ko pa merembah luah ko enget mo pa engetmo

BIDAN DESA Cipt. Maman Sinamo Lot kuidah sada bunga Bagak janah Mbettar da Naing mo nemmuken kupotik Alang ngo ate da Kundul maku mengidah sa Menatap natap bunga i Ise ndia turang adoi Keppeken bidan desa Oh angin embah tennahken Kosikken bana ngkelleng ki Naing katengku mengerana Oh bidan desa ayuna Bage mbettar bajumi mo turang Dekket mberru rupami Bagi mo Mbersih kellengku Jalo mo aku le turang Bage mbettar bajumi mo turang Dekket mberru rupami Bagi mo Mbersih kellengku Mendahi ko.... Jalo mo aku le turang

ANAK MAHOLI Cipt. Maman Sinamo Maholi i rupa le turang Mende dekket perukurenna I ngo siekutenku Dengan nggelluh man kela inang Mberru i rupa le turang Mende dekket pengilakona I ngo sipilihenku Dengan nggellu lako permaen inang Sada itambah sada Dapetna tuhu ngo dua Sipersada arihta sidua Nggane ngo turang mella mersidua dua Langkahken langkah kamuhun Kulangkahken langkah kamuhun Cekep mo tanganken turang Rebak merlangkah kita sada tujun Ranamu Melamlam le turang Codi bage tenggoli Tenggi janah merasa Kelleng ki turang kucekep soh mi ari podi Sada arihta le turang Suan merdengan kelleng Oda tersirang jelma Mella oda i sirang kematen

KELLENG MERSITEMPAHEN Cipt. Maston Manik Ulang Kusoken kelleng ki Ulang tulusi mbelgah ukurki Tapi kuso mo dirimu Bakune kelleng mi Pelias mo ibagasen penarihenmu Ulang ko merluap Ulang mo bahan kelleng mi Bage kelleng ni bulung terrep i Kumerna pellin i tikki i dokken kono Ngo kessa kelleng mi Nggo kessa tondal ko bangku nai Mambal kelleng mi Oda ngo mersora kecapi Mella oda mertali Oda ngo merbikkas mella Mak lot dalan na Marang bakune pe pemahan mi turang Sabar ngo aku Merpengelek ukur ki pak ko turang Giamken mobah ko Bagi pe mpiah pemahan mi Kugong mengkepkep ko Tah tereluh pe turang matangki Kugong ngo dak tercerem Bonek atengki turang oda tersibar  Kumerna pemahanmu Sodip ki mendahi ko turang Giamken mobah ko