KUMPULAN LIRIK LAGU PAKPAK

Cipt. Villa Berutu Ulang mbuesu ranamu Mahan engeten diringken Kum kita sidua tah surung ngo tah oda Tah bakune ngo seggen dungna Nidah bage ate tendi Keppeken jadi sumangan Pos atemu turang menadingken aku Tadingken ko dak mali – ali

Kessa nai kin ko turang kuangan – angan Kopi kusuan turang mbelgah hargana Kessa nai kin ko turang mendokken sirang Kade kubahan turang muat laona Ulang ko mbiar turang si mada mangan Mbue pagenta turang roroh so mada Si ulang mbiar turang ulang muasen Lot lae mpedasta turang gula so mada Asa mersodip ko tendi mendahi aku Kade kubahan turang  idi menjadi Si kade ma ngo turang loyang rantemu Otang tabumu turang roroh sinceggen Sikade ma ngo turang malum atemu Terserah bamu si aku seggen

Cipt. Saidin Padang Ulang salahi orangtuamu Menengen aku mak sanggup man kelana Kubettoh kin ngo pergeluhenku Tuhu oda cocok mi pergeluhenmu Pas bage manuk ngo kenggeluhenki I si kikais isi ngo kipangan Pas baggi ma ngo perbedanta Pas bage langit dekket tanoh Ulang mo kono turang mersimpetta bangku Oda ngo mak kelleng atengki mendahi kono Tapi kinincor ngo turang menirangken kita Janah kinidersa ngo turang pebelgahken aku Kin pe kudokken ngo ulang dengani aku turang Ulang ke tuhu – tuhu nimu turang Ipas nipi poda boi jumpa Kelleng atemi  mendahi aku oda kuperso le turang Ijalo pertua mi pe aku turang oda lot harga reggen Sibar ende ngo pana turang perjumpanta Soh bagi deng ngo pana turang rettak ni tanganta

Cipt. Nikkon Tumangger ( DABERRU ) Teddoh ngo ukurki mendahi ko turang idike ngo ko turang mahan tulusen ki Mangan poda tellap Meddem poda sennang Pellin mernenget ko turang Idike ko bagendari Ulang mo ndekkahsu Aku memema ko Merung ngo dagingki Pellin mernenget ko Peltak bulan tula Soh mi sibande sinendangna Rebbak kita sidua turang mak lot kade sikurangna ( DAHOLI ) Teddoh pe ukurmi Mendahi aku turang Aku pe bagi ngo turang Lalap mernenget ko Terang ngo bulan i Kutengen gambar mi Rupamu kuidah turang Mak boi kirana Ndekkah pe aku asa roh Mendahi ko turang Sabar mo ko lebbe Memema diringki Peltak bulan tula Soh mi sibande sinendangna Rebbak kita sidua turang Mak lot kade sikurangna

Cipt. Villa Berutu Terang ngo bulan i dates delleng Tengah berngin si melongo Kundul mo aku tangis tereluh Mernengetkenko Terang ngo bulan i dates delleng Tengah berngin si melongo Kundul mo aku tangis tereluh Mernengetken ko Kum idi karina ulang mo enget ne Karina padanta sienggo sipudun i Anggap mo idi karina Pas bage ni pi i tengah ari

Cipt. Nikkon Tumangger Tangkas kudokken bamu Mpersah ngo kenggeluhenku Tapi bagi pe nimu kelleng ngo atemu Sennang ngo ukurmu turang mendahiken aku Sinderrang madeng kita sirang Kudokken ngo bamu Pikiri mo lebbe jolo ulang ko menelsel Ulang ko menelsel turang i podi ni ari Kessa ko ngo i jolongku mobah mo ukurmu Idike salah ku bahan bagahken mo bangku Bagahken mo bangku Ajari mo aku

Cipt. R. C. Tinendung Terang bage i bulan dalanna aku terenget i Mende basa mi si mak terlupaken Terang bage bulan dalanna aku terenget i Mende basa mi si mak terlupaken Kade ngo ndia salahku bamu Asa lalap ko mengido sirang Kade ngo ndia salahku bamu Asa lalap ko mengido sirang Enggo mungkin i pemahan mi ale turang Taba diringki anak simpogos en Enggo mungkin i pemahan mi ale turang Taba diringki anak simpogos en

Cipt. Sobar Ujung Zaman bagendari odane terpikiri Daholi dekket daberru sarupa bagendari Daholi dekket daberru sarupa bagendari Lot ma sada pertua jae nola ngo takina Enggo piga dukakna  merunjuk deng katena Enggo piga dukakna merunjuk deng katena Mula i kusoi dukakna mi Medan ngono bapa Keppe merbulan madu laus mi danau toba Keppe merbulan madu laus mi danau toba Oda pellin daholi sikuramini kami Soh mi pertua i bages terlebbih bagendari Enggo pe tua – tua buk na dak igustingi Mela menatap ndaoh pas bage perselihi Bagi anak perana soh ma mi simanguda Kerna zaman nggo ntua Turangna pe naing bana

Cipt. Hasan Manik Ulang aku selseli ale turang Ulang aku salahken ale impal Kumerna persirangen en ale turang Pertuamu ngo mak sennang kerna kinincorken Oda ipido tendi kinincorken Oda i tenahken daging kini ndersa en Bagi kin ngono pana suraten tanganki Bage lae dekket minak ngo kita sidua Lupaken aku turang.... lupaken mo aku Tondalken aku turang.... tadingken mo aku Tulusi mo sideban sindorok  pertunandenmu Asa teridah berru ni raja ko mahangga pertuamu

Cipt. Barca Sagala Mulana kita kirana Enggo kudokken bamu Ulang kita mersirang O... ue ngo nimu Keppe i galipken ko aku Mike mo aku mengadu Enget ranamu bari Kono ngo memahan janji Jae katamu pedempak Lain ranamu petondal Dagingki  merkelsoh bamu Mersempetta mendahi kono Aku o.... turang Bage kuda boban Aku i bain kono Lalap mertempi galuh Tapi kolingna i berre ko

Cipt. Syahdin Berutu Kunu bakune, ukurmu taba aku Menter laus mo kono turang O turang pos ni atemi Menandingken aku mali – ali O turang pos ni atemi Menadingken aku mali – ali Kubege kabarna, kono naing sijahe (laus) Mike nola mo aku turang, O turang salam mo aku Sikali nai o ale turang O turang tenahi aku Sikali nai o ale turang Otang salam mo giam tanganku Tambar teddohku mendahi ko Enggo senang i bage ukurku Marang mike ko laus turang O turang salam mo aku Sikali nai o ale turang O turang tenahi aku Sikali nai o ale turang

Cipt. Abbas Kudadiri Ulang i dok ko menelsel nola aku en Kumerna persirangenta en Ulang i dok ko kudelles nola diringken Kumerna penadingken men Pilih – pilih tebu Terpilih sibanggarenna Laus ko menadingken aku  Mbue ngo kalak penggancihna Tangkeut pangkah pola Batang nderrung mahan  sebban Mak ko nggeut  ku pungkah nola Mbue deng ngo daberru sideban Udan i tengah ari Sondat aku laus mi juma Sirang nimu bagendari Merdemmu kin pe mak lot gunana

Cipt. Abbas Kudadiri Mata mada terpeddem soh mo Mi mbages berngin Kudilo kutenggo ngo ko turang Sada ari mada jumpa soh mo niakap teddohna Nipernipiken kumerna nteddoh aku turang Keppe bagendari kono ipaksaken Kenah saut mendahi impalmu sibeak i O... o... o... Tading tading tading mo aku si mali – ali Tangis tangis tangis mo aku sigennep ari O... o... o...

Enggo kin, enggo kin nasibku bagi Enggo kin, enggo kin rettak tanganki Si kennah ko ngo permaen inang Si kennah ko ngo permaen inang Kono ngo simenguda Aku.... anak perana Rupamu soh mo mberru na Bage.... berru ni raja Pengidonku bamu turang Ulang ne mo aloi sideban Pengidonku bamu turang Ulang ne mo aloi sideban

Aloi – aloi... aloi – aloi... Aloi – aloi sorangku turang Kum kubettoh kin ko simada nggeut Oda menkadengku kipergaulken ko Kancing -  kancing peniti Rupana merlinang – linang Enggo pendokken nipi Kennah ko permaen inang... Le turang Cincin karpe – karpe, i pe nggo gade I lae kacimbe , Dalan mi sibande le turang Aloi – aloi... aloi – aloi Nggeut ngaku membayu Salahna merdori – dori Nggeut ngaku nimu bamu Salahna ko perjodi – jodi Le turang Onan i ari kamis Onan mang i kuta Salak Ulang ko tumangis – tangis Oda kessa terekut kalak Le turang

Cipt. Syahdin Berutu Sabar ngo aku memema dirimu Ukum gerarmu lalap i bagas ukurku Oda kulupa karina rana mi Keppe laus ko mi ladang ni deba Oda pernah kulupa i karina ranami Lalap ngo kuenget i karina janji mi Mbernit pe kutahan ngo i demi janjinta Sinidokken mi turang mendahi aku

Cipt. Drs. D. Padang * Cikala le pong pong Ue merbuah si nangka bari da ue Simanguda bagendari en Dak mengkabari Cikala le pong pong Ue merbuah si nangka bari da ue Simanguda bagendari en Dak mengkabari Mela mo cituk kene turang Mela mo cituk... Ulang ulaken kene male Ulah ulah ndene idi bagi Uuuuulang mo, dak bagi Kade mo lemlem pagemu Pucuk bincoli mo kabir – kabiren Kade mo kelleng atemu Anak maholi mo abing – abingen (Kembali ke *) Pong kirpong le pong kirpong Pong kirpong kirpong Pong kirpong le pong kirpong Pong kirpong kirpong  

Idike deng ngono ndia Turang ndaboi si enggo pernah Ibagahken nipingki Tengan berngin tahun bari Soph bagendari pe mak roh Kelleng ate lumaus – laus Menadingken diringken Ikepar en tulus – tulus Bagendari si daging ndaoh i tanoh lajang Teddoh mulak nange Mi tanoh pakpak si mende – mende Isi tading nantampuk emas kelleng atengki Oh mbutur le nange Kini mberruna pe mak merbilang

Togong bubu dapet sige Roh berru na,puhun mak ndorok mike O nanguda ... o turang impal Mbue pe laklak ni teba Laklak ni nderrung asa buaten Mbue pe berru  ni deba Berru nampuhun asa buaten  O nange... ulang aku paksa O nange... o nange... o nange... o impal Rakut – rakutna mo keppe siturang impal Saut  – sautna mo keppe siukat nakan

Cipt. T. Boangmanalu Tengah berngin si mbages turang Terenget ngo aku bamu Ko ngo kelleng atengki Si mada terlupaken Sumisi hembun i turang Kini terang bulan idi Ate pusuhki Nggo nceda pemahanmu Kade salah si ku bahan Kade dosangku bamu Asa bagen ngo jadina Kini ndersa penadingkenmu I nipi giam roh ko turang Pepalum teddohki Ate pusuhki nggo nceda pemahanmu Ate pusuhku nggo nceda pemahanmu

Pendersa – ndersa mi nange Merung ngo dagingki Oda merbilang ne nange Pemaksa – maksa mi nange Mi berru ni puhun Oda kelleng atengku nange bana Belli mo aku tangis nange... Asal mo kono sennang Ku ueken pe rana mi nange Asal mo kono sennang Belli mo kupersada ukurku bana Asal mo kono sennang

Cipt. Hasan Bancin Oda ngo mak kelleng ukurku bamu Tapi bakune kubahan bagen mo jadina Tertaba ngo tuhu aku (partuamu ngo mak sennang) Ukurku soh mo ncedana (memahan kita sa sirang) Oda ngo mak kelleng O turang si kukellengi idike ko turang bagendari Ukurken turang soh mo nggo ncedana Ngelluhku en turang makne lot gunana En mo kessa tenahku bamu Lupaken mo nemmu aku Oda ngo salahmu oda ngo salahku Partuamu ngo si mada sennang Memahan kita sa sirang Oda ngo mak oda ngo mak kelleng

Cipt. Saidin Padang Ulang mo ulang mo nemmu kita mersirang Ulang mo ulang mo nemmu kita pedaoh Mella boi ngo sada mo arihta Mella boi ngo sada mo arihta Pidonku mendahi kono ulang lupa ko turang Karina janji midi sienggo sibahan i Mella idi turang ulang mo lupaken Kumerna idi turang enget mo aku O... keppe bagendari sirang nimu nola Oda kuharapken bagen jadina Itadeingken ko aku simali – ali Oda kuselseli persirangen en Tapi enmo gerarna suraten i perdempaken Ulang mo ulang mo kita merputus asa Suraten i perdempaken  ngo idi karina Si enggo demmu pe mersirang deng Si enggo demmu pe mersirang deng