KUMPULAN LIRIK LAGU PAKPAK

Embasken mo da kaka Embasken ke Rebak mengembasken mo anggi Rebak mengembasken Endeken ke mo da kaka Endeken ke Rebak mengendeken mo anggi Rebak mengendeken Serserken ke mo da kaka Serserken ke Rebak menerser mo anggi Rebak menerser Tatakken  ke mo da kaka Tatakken ke Rebak tumatak mo anggi Rebak tumatak Embas nami en da nange Embas nami en Embas mergeraha ngo bapa Embas meegeraha Ende nami en da nange Ende nami en Ende mergeraha ngo bapa Ende mergeraha Si sada kata kita karina Si sada ukur kita karina Kade sibahan asa menjadi na Bage sodipta da Asa ndaoh hali habat Asa ndaoh si mada mak kasea Asa dapet perolihen Bage sodipta da

O ale bapa o ale nange Ulang selseli kene aku Sodipken mo mendahi simerkuasa Asa iobah dalan nggelluh bak rejeki Tuhu bapa tuhu nange Ipucuk dilahmu nai ngo kesah mi Bakune pe itahanken ko kini leja i Asa soh angan – angan ni percintanta Kepeken le nange nasib ta i Soh mo sikolangku kade poda hasilna I tengah berngin longo – longo i nange Tangis ngo aku mercampur daruh eluhki Ale Tuhan empung persadan Obah mo nasibku bere dalan rejeki Asa ndorok kupesenang pertuangku Bagidi pe nang pergeluhku i podi ari

Cipt. H. Bancin Mpung en mo kami Kami karina kempu – kempumu Bereken mo pasu – pasumu Lako pesohken sura – suramu Mpung en mo kami Kami karina kempu – kempumu Bereken mo pasu – pasumu Lako pesohken sura – suramu Sada kata sada ukur ngo kami Peradat mende ngo kami Sada kata sada arih ngo kami Perukur mende ngo kami Sada kata sada ukur ngo kami Peradat mende ngo kami Sada kata sada arih ngo kami Perukur mende ngo kami Simsim, keppas, pegagan, boang ngo kami I mo lebbug Singgabur Karinana tading – tadingen ndene i Habunta ngo karina i Habunta ngo karina i Mpung en mo kami Kami karina kempu – kempumu Bereken mo pasu – pasumu Mendahi kami kempu – kempumu

Sulangat mo le kupaluah Keat le ni babo page ngale Mersangap mo kono mertuah Janah ma pe le sibeak gabe ngale Mbelgah lae bena buluh Kapur le bulung rintua Ndekkah mo kam nggelluh Janah ma pe giam si ncayur tua Amak bulung ni rube Cengkerru le bulung singgellem Anakmu pe janah mbue Berru mu pe janah nterem Ruah – ruah le gading e... Ruah ruah bulung tudak – tudak ngale Njuah – njuah mo kam tading isen Njuah – njuah mo kami lako mulak ngale

Enget mo turang da janjimi Sinderrang kundul aku rebbak ko I dokken ko bangku le turang Kelleng atemu si mak terlupaken Ulang karna roh kekelengen Anak si beak lako roh mendahi ko Menter mobah ukurmu le turang Mendahi aku anak ni simpogos en Kudokken kin ngo i mbang ko Ku dokken kin mendahi ko Mela pe saut rengkap ta i Ulang menelsel ko turang

Mak pernah soh ku ukuri Mella pejumpa nggeut ngo mersirang Oda pernah kuakapi Mula nai kubettoh mertandang Tah piga kalak nggo kutandai Mella mersirang balik ngo pejumpa Keppeken roh mo bai diri Bage tanggiang i dok umpama Enmo keppeken jadina Mela ukur si madeng nggeddang Mbue ngo nemu pesenget ni deba Tapi diri mada kipandang Ala ni karina ukurku mada merlus – lus Kasa ndia kita pejumpa  Angan tertaba menter aku tereluh Kasa ndia tading kubangna Kalak kibendut diri kingaluh

Enmo sedhna turang Laus kono menadingken aku Tenahmu poda kade Pepalum ukurki Ndor kin ngo kudokken Bakune ukurmu idi Keppe ibettoh kono Dalanta asa sirang Mike mo aku laus Merembahken ukur nceda Kelleng ni atengki Songket i langit andes i kersik i  Tapi kade ndia sebabna Asa bagidi karina Janjinta si nggo sibahan i I obah ko karina Mike mo aku laus ndia Merembahken ukur nceda Kelleng ni atengki Songket i langit andes i kersik i Tapi kade ndia sebabna Asa bagidi karina Janjinta si nggo sibahan i I obah ko karina