“MENGKIAS TOMPEK”

-
Cipt. Muda Banurea/Basir Tumangger/Dahlan

O turang le impal, ndekkah ngo kipema
Embas ni ranamu
Keppe roh mo daholi sideban
Taram – taram teba mengindangi aku

Asa jalo mo purenken
Papuren pencekepi
Tah saut ngono ndia
Aku mi ladang deba

O turang nanguda, bilangna kin lebbih
Kinincor bapa inang
Kene enggo mengkias tompek
Asa oda ne lot  ukum perdemunta

Asa jalo sumpit en
Bekkas perisapen
Asa ulang kono lupa
Mernengetken aku

Sirang mo keppe kita sidua
Giam sirang mersitennahen
Oda kita mersiambaten
Ulang mengenna hukum ni adat

Komentar

Posting Komentar

Postingan populer dari blog ini

“ULANG SELSELI”

-
Cipt. Hasan Manik Ulang aku selseli ale turang Ulang aku salahken ale impal Kumerna persirangen en ale turang Pertuamu ngo mak sennang kerna kinincorken Oda ipido tendi kinincorken Oda i tenahken daging kini ndersa en Bagi kin ngono pana suraten tanganki Bage lae dekket minak ngo kita sidua Lupaken aku turang.... lupaken mo aku Tondalken aku turang.... tadingken mo aku Tulusi mo sideban sindorok  pertunandenmu Asa teridah berru ni raja ko mahangga pertuamu
Baca selengkapnya

“TIKAN ARNIA”

-
Cipt. Hilman Padang Tikan arnia tikanna kita kedek kedek Rebak mi juma rebbak rebbak menapu kopi I sidikalang kuta sukuten I tanoh keppas i I si ngo merpulung karina denganta Mergait gait kita si dua I dike ngo ko turang I dike kono bagendari Tah i Simsim ngo ndia i kelasen kunu ko Soh bagendari ukurki terkuso-kuso Dahari ngo ndia ndorok nola kita jumpa Palum teddohku malum ukurku Mella kuidah ko turang 
Baca selengkapnya

“KEKELENGENKU TANOH DAIRI”

-
Gambar
Cipt. NN Dak kekelengenku tanoh Dairi Nggabur ngo tanoh na mbellang i si Lae na pe malum mahan peridinki Njolmit-njolmit i gembar sapo i Teddoh ngo atengku naing balik mi si Mengidah karina silotna i si  Lolo ngo atengku kessa sakat mi si Mi kuta lebbuh mpung idi Gambir mbue bagi ma kemenjen pe Damar kopi bagima sideban pe Idi ngono pencarin i si Idi ngono pencarin i si
Baca selengkapnya