NOSTALGIA SIMATAH DAGING

Cipt. Maston Manik

Soh mo mendena tikki i
Nderrang kundul kita si dua dua
Kundul kita i bao batu i
I Lae Une i tanoh Manik i

I si kudokken ukurki bamu turang
Oda lot kade pe ruap i kurum mi
Pellin tercerem ngono ko kuidah i
Ikeppes kono duana tanganki

Lae si mbirsak pe merkurpak
Mendengkoh sorangki
Ket manuk manuk pe merende 
Tenggung sora nai

I ngo magahken nggo tuhu keppe 
I bas padan ta i
Asa si rakut mo, si rakut
I bagas kelleng

Oda terasa nggo cibon ni ari
Mataniari pe nggo laus mi kecunduten
Tercerem ia ciboni i balik delleng i
I Simenoto kepar Nambungabuluh

Soh mo mendena tikki i
Nderrang kundul kita si dua dua
Kundul kita i bao batu i
I lae une i tanoh manik i

I si kudokken ukurki bamu turang
Oda lot kade pe ruap i kurum mi
Pellin tercerem ngono ko kuidah i
Ikeppes kono duana tanganki

Lae si mbirsak pe merkurpak
Mendengkoh sorangki
Ket manuk manuk pe merende 
Tenggung sora nai

I ngo magahken nggo tuhu keppe 
I bas padan ta i
Asa si rakut mo, si rakut
I bagas kelleng

Nggo ndekkah kalon ngo tikki i
Lalap terenget ngono sakat bagendari
Im nderrang kita simatah daging i
Im nostalgia i biding Lae Une